29‏/04‏/2008

صورة عجبتنى


زي ما أنتو شايفين أن ال relaxation مش مرتبط بأي طبقه إجتماعيه

يعنى الراجل الهايل ده فى عز همومه وأحزانه
حرص على أنه يسترخى

ولو دققتم النظر شويه هتشوفوا انه حرص برضه على إختيار
الزي المناسب لل relaxation
وكمان باللون المناسب ( الأخضر ) وكمان الخلفية الزرقاء
__ معلم __

والملحوظ أوى بقى مدى السعادة اللي هو فيها
والإبتسامة العريضة اللي مرسومه على وشه

لا مش كده وبس

شايفين الأكسسوارات اللي لبسها
( سلسه مطربه المفضل عمو/ عمرو دياب )
والأنسيال اللي يجنن
__ مسترخي مسترخي __
ومفيش مانع بقى من انه يدخن له سيجاره فى وسط كورس الإسترخاء
__ صحى ومفيد __

وفى النهاية

أحب أقول لكم أنى لم أقصد بتاتا الإستهزاء بالناس
ولكن اللي أقصده .. إسترخوا يا ناس ..
وكامل إحترامى لصاحب الصورة

الموسيقي أداه فعاله للإسترخاء


بجد يا جماعه الموسيقى من أقوى الأساليب المستخدمة للحد من التوتر والشد العصبي


والدليل على كلامى


إن أكبر مستشفيات العالم دلوقتى بيستخدموا الموسيقى للحد من القلق فى حاله إنتظار المرضى للعمليات الجراحية

وكمان لو بصيت على أى لاعب كوره أو أي رياضي تاني وهو فى طريقه للمباراة هتلقيه بيسمع ميوزيك
وحتى أنت بتعمل كده وأنت free




وكمان الدارسات العلميه (أكيد بره ) أثبتت أن الإستماع للموسيقى له نصيب الأسد عن كل الأساليب التانيه فى إستعاده الإنسان لذكرياته


أو لتعزيز مشاعر معينه مثلا
..الحب الحب..الشوق الشوق..بلوبيف بلوبيف..
وكمان الكراهية ومشاعر تانيه كتير..


انت ونصيبك
(أنا أقصد نوع الموسيقى مش حاجه تانيه لاسمح الله )


لا والجديد إن الموسيقى بتستخدم فى التنويم التغطتيسى
.. يعنى..الموضوع ده مشدنيش أوى

المهم-- إن مفيش حد يقدر ينكر إن الموسيقى بقت فى كل حته حولينا

طاب ليه منستغلهاش كويس ونصيحتي عليك وعلى الرومانسي
(دماغ )
هيساعدك على الإسترخاء بصوره عاليه

يا جماعه الموسيقى تالت أسهل لغه بعد لغه العيون ولغه الإشارات

ده الموسيقى بتساعد فى إنخفاض مستويات القلق ، وإنخفاض ضغط الدم ودقات القلب ، ووكمان تغيير مستويات الهورمونات

وفى النهاية بطلب منك انك تجرب الكلام ده بأي حاله أنت عايشها دلوقتي بس نظم تنفسك شهيق زفير

وأبقى عرفنى إيه الأخبار

26‏/04‏/2008

مظلوم يا عالم

أنا عارف إنه ممكن حد يظلمنى ويفتكرني سلبي
عشان بقول relax
بس صدقوني أبدا أنا مش سلبي
بس بحاول أكون هادى وسط الدوشة والظيطه اللي أحني عايشين فيها
جايز تكون دي البرشامة المهدئه
على ما ربنا يفرجها علينا ونلاقى العلاج النهائي
مش بقولكم relax


أنا عارف أن زي ما فى الحلو فى برده فى الوحش
بس المهم انت مين أو بالأصح أنت مع مين ؟
بس بصراحه كده أنا ضد الإنسان السوداوي المتشائم
اللي شيفها علطول أسود فى أسود
حاول تكون انسان عادى يعنى مره فوق ومره تانيه برضه فوق
ويا عم التحت جاى جاى


بس المهم تبقى relax

جايز إن أنت وأنا دلوقتى تحت بس أنا قادر أبص لفوق
وأنت بقى ايه ؟!!
أيوه وأنت كمان قادر بس انت ابقى relax

25‏/04‏/2008

كوره كل سبت وأربع ...


هي دي اللياقة البدنية

لا لا انتوا فهمتونى غلط أنا مش قصدي عالدورى الإنجليزي ولا حتى الأسباني او الإيطالى ( عشان ميزعلش )


أنا أقصدي أحنا ..زمايلى وأنا.. خلاص اتعودنا نلعب كوره كل سبت وأربع لما جسمي بقى مليان لياقه بدنيه


طبعا فى كل حته فى جسمي على كوعي و ركبتي و مشت رجلي حتى كف ايدي !!!


والسبب عادى لأننا بنلعب على ملعب مليان رمل وحصى يعنى أجدعها كوتش باتا أو حتى فوتبل أديدص مينفعش ببصله




بس برضوا بلعب كوره


مش هينفع اقول لكم أنا بلعب فين طبعا عشان مرحش بكره وأشوف الملعب بقى مليان بالمحترفين زي رونالدو و مردونه


اصله ملعب يجنن

انا لعبت على الملعب ده فى كل المراكز اللى ممكن يتلعب فيها زي... رأس حربه (فرود)



وخط وسط (مع ان الملعب كله على بعضه 12متر) ولعبت حتى حارس مرمى



ياه أصلى كنت بحب العب فى المركز ده كتير (الحارس) بس بسبب الاصابات المتكرره (بسبب أرضيه الملعب الجميلة)قررت مقفش تاني إلا لما الدور ييجى عليا


بس برضه بلعب كوره و هفضل ألعب كوره



أصلى بحب الكوره

22‏/04‏/2008

يا هلا

يا أهلا ومرحبا بيك فى مدونتى
نورت والله
مع تمنيات cold air بقضاء وقت لذيذ...
اليوم
22/4/2008
مولد المدونة Relaxation
يا رب تكبر و أشوفها عروسة أد الدنيا والبحر

Relax على الأريكه & Enjoy بأبو تريكه

Relax على الأريكه & Enjoy بأبو تريكه
Relax على الأريكه & Enjoy بأبو تريكه