موسم الإمتحانات

مفيش حد يقدر ينكر مدي استمتاعه بوقت الإمتحانات

وكمان مدي الهدوء والريلاكس

اللي بيبقى الواحد فيه

عشان كده حبيت أستغل الفرصة دي لتكمله موضوعي السابق

( أنا مش متوتر ولا عصبي )

بس على طريقه الإمتحانات س و ج

يعني هو إختبار نفسي بسيط عشان تقدر منه تحدد انت من أي نوع من البشر

خمسة اسئلة سريعة

على أحداث هتحصل معاك كلها في ( يوم واحد )

جاوب عليها بكل صراحة وعفوية و واقعية

بعيدا عن الحالة المثالية

بعد كده شوف النتيجة أسفل الصفحة

أحب أأكد على إن الأحداث كلها

في يوم واحد

.

.

.

(1) في أول اليوم رايح تجيب طلبات للبيت وأنت بالمواصلات واحد عريض واقف علي الباب المخصص للخروج و يبدو كده والله أعلم أنه غيرمستعد للتحرك عشان تنزل أنت أوالركاب الباقيين ها هتعمل ايه ؟

أ- تدفعه جانبا لتنزل؟

ب- تخبط علي كتفه وتنبهه إلي ضرورة التحرك من مكانه؟

ج- تستني لحد ما شخص تاني يكلمه لأنك مش الوحيد اللي عايز تنزل؟

........

(2) بعد ما خلصت شراء و أنت في طابور دفع الحساب بالسوبر ماركت يعني حاجه أشيك من طابور العيش مع كامل تقديرنا لرغيف العيش و واحد فى سنك بيطلب منك انه يسبقك لأنه معاه مشتروات قليلة ها هتعمل ايه ؟

أ- تقول له لو سمحت احترم الصف زي ما أنت بتعمل ؟

ب- تسمح له يسبقك فقط اذا كنت واقف في الصف من مدة قصيرة؟

ج- تعطيه مكانك؟

............

(3) خارج مع أصحابك بالليل وأنت لابس أشيك حاجه عندك --الحته اللي من علي الحبل-- بس وأنت رايح لهم عربيه مسرعة مرت من جانبك فكالعادة لأن الشوارع مرشوشه بالميه ملابسك اتغرقت ها هتعمل ايه ؟


أ- تسب وتلعن سواق العربية؟

ب- تبص للي حواليك في غيظ وأنت بتتكلم عن مثل هؤلاء السواقين المتهورين؟

ج- تقول ببساطه من حسن حظي اني مش بعيد كتير عن البيت، فممكن ترجع لتنظف ملابسك؟

..........

(4) لأكثر من ساعة صاحبك بيشتكي لك من مشاكل خاصة به بطريقة تثير أعصابك ها هتعمل ايه ؟

أ- تنصحه بأن يذهب لوالديه أو أن يذهب الى محلل نفسي وتخلص؟

ب- تنفض لكل اللي هيقوله وقد أدركك الملل؟

ج- تحاول أن تهدئه وتقترح عليه حلولا لها؟

أنا لو منك في الموقف اللي زي ده أديله لينك البلوج ده وخليه ريلاكس زيك كده

...........

(5) في وسط القاعدة حصلت حاجه ضايقتك أو لقيت واحد خنيق ها هتعمل ايه ؟


أ- تثور وتقلب الدنيا على كل اللي حولك؟

ب- لا تتسرع في الكلام أو التصرف عشان مش تتورط فيما قد تندم عليه؟

ج- تحاول أن تهدئ أعصابك وأن تتعقل في الموضوع ؟

!

!

!

!

!

!

!

!

!

!

!

!

v

لحساب مجموع النقاط

الاجابة أ = 5 نقاط
الاجابة ب= 3 نقاط
الاجابة ج= نقطة واحدة

إعتمادا على أن الأحداث كلها بيوم واحد ومتعاقبه
-----------------------------------------------------------

من 5 الى 11 نقطة:

أنت متحكم تماما في اعصابك، تتحاشى الخناقات والاصطدامات، يراك الناس هادئا و مسالما لا يمكن أن يضايقك شئ أو تشترك في مشادات في المنزل أو عراك مع أصدقائك و زملائك في العمل او المدرسة. نصيحة: لا يمكن أن تلغي تماما عاطفة غضبك وأن تتحاشى أن تختلف مع الاخرين وتعترض على بعض أفعالهم وأقوالهم ، الغضب طبيعي ومن الخطأ أن تكبت غضبك وعصبيتك بداخلك .

----------------------------------------------------------

من 12 الى 18 نقطة:

أنت متزن متحكم في نفسك.. تعرف دائما أن تكبت غضبك كي لا تدخل في مواجهات مباشرة.. بدون أن تتنازل عن التعبير عن رأيك.. أنت معروف ببرود أعصابك حتى في الحوارات الحامية.. شكرا على مرونتك ومقدرتك على التفاوض.. أنت تنجح دائما في تحاشي الاصطدام ...مع عدم التساهل في موقفك أو الهرب من الصراعات التي تدخل فيها.. التي تبقى دائما شفوية وبدون تفجرات .

----------------------------------------------------------

من 19 الى 25 نقطة:

أنت مندفع جدا.. التحكم في أعصابك شئ لا تعرفه.. أنت تنفجر غاضبا حتى في التوافه بدون أن تنجح في التحكم في نفسك.. اذا عارضك الحظ أم أحد تبدأ بقذف الاشياء التي حولك ويخرج من فمك ما لا يصح أن تنطق به .. وبعد مرور دقائق قليله .. تعود هادئا رزينا كما كنت من قبل وقد غفرت تماما عما فجر غضبك .


تمنياتي لكم بحياة هادئه و ريلاكس