عالصخرة قاعد لوحدي أغني
حبة لحليم علي عيني يا ليل
سمعتني موجة مالبحر جايه
قالتي يـــاه صوتك جميل
قلتلها لا انت اللي أحلي
و عندي ليك مليون دليل
ضحكت وقعدت عالصخرة جنبي
حسيت بقلبي عايز يميل
قربت منها و قلت أسلم
لكن خسارة كان مستحيل
البحر نادي يا موجة يلا
ادمنا لسه مشوار طويل
قالتله ماشي يا بحر حبة
د أنا لسه قاعدة و اليوم جميل
بصوت حنين قالتلي ماشية
ودعها قلبي بصوت عليل
ماشي يا بحر بقي تيجي منك
غدار صحيح وكمان سئيل
خلاص يا قلبي دالموجة مشيت
خليك ريلاكس خليك تقيل
cold air
كلمة Relaxation
*-*-*-*-*-*-*-*-*-*-*-*
بكل يوم في حياتنا بنمر بمواقف عديدة
قد يكون العقل هو صاحب القرار في معظمها
لكن للقلب قرارات يجب إحترامها و تقديرها
و من الظلم الحجر علي آراءه
الإسترخاء و الهدوء بيساعدك علي التفكير
و ترتيب الأوراق و أخذ القرار السليم
نصيحتي ليك
خليك ريلاكس خليك تقيل
.jpg)
هناك 84 تعليقًا:
الله حلوة اوى بجد مناجاة والكلام مع البحر جميلة اوى وعجبنى اوى خليك ريلاكس خليك تقيل تعبير حلو اوىىىىىى هههههههههه بجد جامد البوست تحياتى
كدةةةةةةةةةةةةة نسيت ازغرططططططط عشان انا اول كومنت لولولولولولوولولووللىلىلىل
باى
حازم
ياعيني ياعيني
أية الجمال ده
................
حسيت بقلبي عايز يميل
قربت منها و قلت أسلم
..................
بجد بجد روعة..
Aaya
عسل عسل عسل
جميلة اوي بجد
انا كنت بقراها وانا مستمتعة ومبتسمة عالاخر
ماشي يا بحر بقي تيجي منك
غدار صحيح وكمان سئيل
عسل اوي سئيل دي
الصورة لذيذة يا حازم
بجد البوست روعة ماشاء الله
خليك ريلاكس خليك تقيل هخلينى ريلاكس خالص ومش هتعصب ولا هقلك فين اجابة التاج
ههههههههههههه
لا بجد الصورة مع الكلمات بجد جو هادى وجميل اوى ياحازم
هههههههههههههه
بجد عجبتني اوي الفكره وكلمات الخاطره دي , جميله اوي وموزونه كمان ..
يعني علي ضمانتك نعمل الريلكسيشن ونشوف انوصل لايه مع ممممممممم قلبنا طبعا هههههههههه
ابتدت المواهب تظهر اهو مممممم
سلامممممممممممممممم
اول مدخلت المدونة لقيت ابتسامة كبيرة انرسمت على وشي تلقائيا
قريت كل حرف وانا مبتسمة
عالمك ده روعة
والكلمات الي كتبها برضو روعة
كل حاجة هنا جميلة..شكرا ليك بجد
واكيد انا هرجع هنا تاني طمعا بروعة المدونة دي.. :)
البحر نادي يا موجة يلا
ادمنا لسه مشوار طويل
قالتله ماشي يا بحر حبة
د أنا لسه قاعدة و اليوم جميل
بصوت حنين قالتلي ماشية
ودعها قلبي بصوت عليل
ماشي يا بحر بقي تيجي منك
غدار صحيح وكمان سئيل
>>>>>>>
أنبهرت بصراحة بالكلمة دي يا موجه يلا ... يا بحر جيه تشبيه جميل جدا صورته لينا وكأنه إنسان بينادي حبيبته أو أخته
يمكن الكلمة صغيرة لكن معناها كبير وكبير أوي كمان لأنها تحمل معاني وتشبيهات وشواهد إحساس
لقد شغفني عشق كلماتك
واثارني عالم حروفك
ودخلته من اوسع ابوابه
واستقبلني بجنته وموجاته
تسلم يا حازم على أحلى الكلمات
.............
ملحوظة .. أنا بصراحة مش بقدر أشوف صورة مظلمة ولو شويه صغيرة .. وكمان بحب أشوف البحر أزرق سماوي
عشان كده أنا فتحت الصورة شويه
وهتلاقيها على الرابط ده أتمنى متزعلش
http://angel.love2220.googlepages.com/30062008291-1.jpg
Angel love
مساء النور يا حازم
حبيت أرد تاني لأن الخاطرة عجتني جداً
شوفت فيها تشبيهات وتصوير جميل كان ورائه قلم متمكن راق ترجم إحساسه تجاه البحر وموجاته إلى كلمات فتحولت كلماته إلى نجمات تضيء السماء..
Aaya
ازيك ياحازم؟
ايه الكلام الجامد دة بجد حلو اوي
انا باحب البحر وباحب اكلمه
بس البحر طلع غدار وكمان سئيل مش كان يسيبها معاك شوية
يالا متزعلش المرة الجايه هتقعد معاك كتير
تحياتي لك
لذيذة بجد اوىىىىىى و جوها اسكندرانى اخر حاجة...و احلى حاجة الروقان و التقل ...لسا حنزعل عالموج ...الموج بيروح و ييجى
تحياتى لمدونتك و هواها الاسكندرانى
PrInCeSS BeRy
ازيك يا بيري
مرسي علي الكلام الجميل ده كله من أجمل بيري علي المدونة و سعيد إن البوست عجبك و مرسي مرة تانية علي الزغروطة الجميلة دي و أحلي بداية
مع تحياتي
آية
ازيك يا آية
مرسي علي زوقك الرقيق و يا رب دايما تنول كتاباتي علي إعجابك و تقديرك الملائكي
مع تحياتي
.................................
خاص
آية في مشكلة صغيرة عندي
الوضع الخاص بيك (البروفيل) مش متاح و مش عارف السبب و أنا مسجله عندي من زمان و كان شغال وكنت بدخل عن طريقه علي أنجل بيبي و دلوقتي غير متاح فيا ريت ممكن في تكتبيلي اللينك بتاع المدونة لو انت حازفة البروفيل بتاعك و أكون شاكر
.................................
مرسي
Blue Nile
ازيك يا بلوو
مرسي علي الكلام الجميل و العسل ده كله
و فعلا دلوقتي صدقت إنك بتموتي في اللون الأزرق مع إن مياه مطروح بتدي علي أخضر فاتح بس مشيها أزرق عشان خاطرك
و صدقيني أنا كنت مقلق لكلمة سئيل دي متعجبكوش بس أنا ملقتش غيرها توضح عن موقف البحر معايا
^_^
مع تحياتي
مدحت محمد
ازيك يا مدحت
مرسي علي الكلام الجميل و زوقك الريلاكس علي الأخر
^_^ هه ^_^ هه ^_^
و بجد أنا كنت منزل واحد من فترة صغيرة فمتزعلش لو كنت أخرت التاج شوية و مسيره ينزل في بوست ده كفاية انه منك يا دوحة و يا رب دايما أشوفك ريلاكس ^_^
مع تحياتي
الفارس الملثم
ازيك يا محمد
مرسي علي الكلام الجميل ده و خاصة انه جاي من صاحب القصص الرائعة و صاحب الإحساس الرقيق
و متقلقش خليك انت بس ريلاكس و هتدعيلي..أنا كمان بقصد مع قلبك مش حاجة تانية خالص
^_^ هه ^_^ هه ^_^
بس يا رب متقلبش عليا بعد كده ^_^
و سعيد إن البوست عجبك
مع تحياتي
~SawsaN~
أهلا بيك علي Relaxation
و نورت بزيارتك الأولي
و مرسي علي زوقك الرقيق و بجد سعيد ان البوست نال إعجابك
و دايما هكون في إنتظار ردودك الجميلة
مع تحياتي
angel love
ازيك يا عبير
دائما من أصحاب أرق ردود و أجمل تعبير
و بجد كلماتك أسعدتني لأن فكرتي وصلت ليك بسهولة
و حقيقي كلمات ردك غاية في الروعة و سعيد أوي بيها
و كمان سعيد بالصورة اللي نورت بمجرد رؤية وجهك الملائكي و دايما منورة كل مكان تدخليه
مرسي و مع تحياتي و تقديري
آية
يا مساء الجمال يا آية
سعيد جدا يا آية إن البوست نال علي إعجاب روحك الحلوة و إحساسك الراقي
و أهلا بيك في أي وقت و كل وقت
مع تحياتي
.............
خاص
آية في مشكلة صغيرة عندي
الوضع الخاص بيك (البروفيل) مش متاح و مش عارف السبب و أنا مسجله عندي من زمان و كان شغال وكنت بدخل عن طريقه علي أنجل بيبي و دلوقتي غير متاح
فياريت ممكن في تكتبيلي اللينك بتاع المدونة لو انت حازفة البروفيل بتاعك و أكون شاكر
.............
حبيبه
ازيك يا حبيبة
يــاه أخيرا حد وقف جانبي يا حبيبة ^_^
طاب لو سمحتي مدام انتي طلعتي عارفة البحر و بتحبيه ياريت تكلمهولي و تقوليله يشيلني من دماغه شوية و يسيبني في حالي
^_^ هه ^_^ هه ^_^
مع تحياتي لأجمل حبيبة علي Relaxation
Dina
ازيك يا دينا و ازي إسكندرية
و مرسي علي الكلام اللذيذ ده كله
و سعيد إن البوست نال إعجابك و زوقك الإسكندراني الرقيق
مع تحياتي لك و لبحر إسكندرية
جميله يا حازم بجد و دمها خفيف جدا
كمان جميله مدونتك ربنا يوفقك ..
دمت بخير وسلام فى حفظ الله
تقديرى و تحياتى
السلام عليكم..
تقبل مرورى يا حازم..
اول زياره ليا فى مدونتك الالكترونيه..
بجد انا حسيت بكل معانى الاسترخاء والهدوء..لانى من عشاق الهدوء والسكينه..
البوست جميل جداً..
واحتمال اعدى على باقى البوستات..مدام فيها ريلاكس كده..
تقبل تحياتى..
جميل جدا .. بجد عجبني الشعر قوي .. الفكره وتخيلك للموقف كانو حلوين وكمان الأوزان كانت مظبوطة جدا .. تسلم ايدك بجد
مش عارف أقولك ايه تاني .. بس أنا دايما باحب أقول رأيي بصراحة ومش باحب أجامل
بالتوفيق دايما
السلام عليكم
ازيك ياحازم
انت عارف هى احلى مافيها ان الواحد يبقي ريلاكس
ريلاكس وتقيل
جميل ياحازم وربنا يوفقك ودايما كده مواضيعك كلها حلوة وتشد الواحد
تحياتى
أزيك يا حازم ...
أنا فعلا حذفت البروفيل
وده رابط المدونة
http://angelbaby30.blogspot.com/
ضحكت وقعدت عالصخرة جنبي
حسيت بقلبي عايز يميل
حلوة اوى
والكلام كله حلو جدا
تانى بوست اقراه فى المدونة هنا
بس كلامك بجد روعه وهادى اوى وفيه احساس عالى
..........
بس فى الصورة مكانش فى جنبك موجة ولا حاجة p:
الله عليك
جميلة ومشرقة الخاطرة دى
انا قولت اجى اعمل شوية ريلاكسيشن عندك
وفعلا .. عشت جلست على الصخرة وشممت رائحة البحر
يااااااه
وحشتنى اسكندرية
ومرسى مطروح
والساحل الشمالى
وكل حتة فيها بحر
كل الاحترام
rovy
أهلا بيك علي Relaxation
و نورت بطلتك الأولي
و مرسي علي الكلام الجميل و الزوق الرقيق ده كله
مع تحياتي
miada ref3at
و عليكم السلام و رحمة الله و بركاته
أهلا بيك علي Relaxation
و نورت المدونة بزيارتك الأولي
و مرسي علي زوقك و سعيد إن المدونة نالت إعجابك
و يا رب متكونش زيارة عابرة و يدوم التواصل
مع تحياتي
فارس بلا جواد
ازيك يا دكتر..يا رب تكون بخير و سلام
سعيد جدا إن الشعر نال إعجابك و بالأخص إنه مكتوب بالعامية
و مرسي علي كلامك الجميل ده كله
و أنا عارف أنت مبتحبش تجامل و هو ده سر جمالك و جمال ردودك
مع تحياتي و تقديري
عاشقة الوطن
ازيك يا رضوي..يا رب تكوني بخير
و متخديش علي خاطرك من حكاية الوطني دي ^_^ و بجد ربنا معانا بعد كده
و مرسي علي الكلام الجميل
و دائما بإنتظار تعليقاتك الرقيقة
مع تحياتي
آية
مرسي لك يا آية و شكرا علي المتابعة
مع تقديري الخالص
oRiGiNaL HeArT
ازيك بالإيطالي ^_^ يا رب تكوني بخير
و مرسي علي المتابعة و كلامك الجميل ده كله
و بالنسبة لعدم وجود الموجة بجانبي علي الصخرة بالصورة فده كان لدواعي أمنية و ربنا يجعل كلمنا خفيف علي البحر
^_^هه^_^هه^_^
مع خالص تحياتي
كاميليا
ازيك يا كامي..يا رب تكوني بخير
أنا لو أعرف انك هتيجي عشان البحر و جو الريلاكسيشن بتاعه كنت نزلت البوست ده من زمان
^_^
حقيقي نورتي غرفة التعليقات لأنك بالفعل كنت منورة المدونة عندي قبل الزيارة الرقيقة دي
و مرسي علي الكلام الجميل
مع خالص تحياتي
اخيرا ياحازم عرفت ارد عليك
جميله جدا الخاطرة دى
مبرووووووك على المدونه لكنها متاخرة شويه انت عارف طبعا السبب
عقبال الجاى يكون احسن واجمل
وكفايه كده عليك لحسن تتل علينا ولا حاجة
تحياتى
حازم حازم
مدونة جديدة
عايزك تدينى رايك فى فكرتها
http://romantic-messages.blogspot.com/
genius
ازيك يا محمد و الحمد لله أخيرا وصلت بالسلامة ^_^
و يا عم شكرا علي التهنئة المتأخر بس ولا يهمك و متقلقش أنا لا يمكن أقدر أتقل عليك ^_^
مع تحياتي
مدحت محمد
ألف مبروك يا مدحت و بجد المدونة فكرتها جامدة
ايه ده كله
بحر وموج
بجد انت دماغك علياااا
:)
ياريت فعلا الواحد يقدر يكون ريلاكس علي طول
حلواوى
مناجتك للبحر
والهدوء الحلو للتأمل والفهم
والفكر
سلمت يداك
كلام رقيق للغايه
يحمل احساس و عذوبه
مع كونه باللهجه العاميه .. لكنك ابدت
جميل جدا
أستمتعت بقرائتها
ريلاكس للغايه و قعده عالبحر لطيفه
^_^
تحياتي
جميل اوى , شكلك كدة صيفت , وشكلى كدة هسلط الحقد بتاعى عليك
الكلمات حلوة اوى , انا برده بحب اكلم البحر واسلم على موجه موجه
بالنسبة بقى للريلاكسيشن , دى عايزة مكان هادى , مش فى اى وقت واى مكان , وبعدين كفااااااااااااااااااية قربت اطق من كتر الريلاكسيشن اللى عندك , وبعدين هاحقد عليك اكتر من كدة اييييييييييييييييييييييييييييييه؟؟؟؟
جميله الفكره
تحيــــــاتى
المصــــــــرى
هاى حازم
انا اول مرة ازور مدونتك بس الصراحة مدونتك دى حاجة تانية خالص غير كل المدونات ريلاكس على الاخر
انا من ساعات مادخلت المدونة وانا مبتسمة والاغنية حلوة اوى كمان
وطبعا الكلام الجميل بتاع البوست حلو اوى بجد رائع
بجد المدونة كلها هايلة
سعدت بوجودى بها
سلام
eman
ازيك يا إيمان
مرسي علي وصفك الجميل ده و فعلا الواحد بيحاول علي قد ما يقدر يكون ريلاكس بس مفيش مانع من كسر الريلاكسيشن بخناقة صغيورة
^_^ هه ^_^ هه ^_^
مع تحياتي
نهر الحب
سعيد جدا بالتواصل و بجد بتنوري المدونة بردودك الرقيقة
و مرسي علي كلامك
مع تحياتي
Heart Rose
ازيك يا روز و مبروك الصورة الجديدة للبروفيل الخاص بيك و هي صحيح مشابهة للصورة القديمة بس بتسويها في الرقة و الجمال
و سعيد ان الموضوع نال إعجابك
و دايما منورة المدونة
مع تحياتي
زي الهواااااا
ازيك يا موحة
و مرسي علي كلامك الجميل
و أعتقد مفيش حد مش بيحب البحر و يحب يتكلم معاه
و بجد معاك حق الواحد مش عارف يتنرفز من يوم ما عمل المدونة دي
^_^
و بجد بتمني ليك أوقات سعيدة بلا فراغ كعادة الأجازات الطويلة
مع خالص تحياتي
almasry
أهلا بيك علي Relaxation
و نورت بزيارتك الأولي
و مرسي علي الكلام الجميل
مع تحياتي
totaaaa
أهلا بيك يا تو تاااا علي Relaxation
و أنا في غاية السعادة من كلامك الرقيق و الجميل ده كله
و حقيقي المدونة أجمل بيكم و بتواجدكم عليها
و يا ريت يدوم التواصل
مع تحياتي
اول ما دخلت المدونة ابتسمت بعد كدة
لقيت الابتسامة بتكبر وتكبر و قلبت لضحك
والله العظيم بقيت رايقة خالص
و البوست بقى بجد لذيذ و فعلا قمة الروقان
و مافيش احلى من كدة ربنا يديم عليك
الروقان ده ولا يغير عليك
اةخليك ريلاكس وخليك تقيل أكيد امام البحر وجماله هكون ريلاكس
وخصوصا انا لسه جايه لامن اسكندريه بجد اليحر عند المقدرة ان يعطى الهدوء للانسان
وتحياتى لك
جامد جدا الشعر ده
وبحييك على دماغك الريقة ديه
استمر كده محدش واخد منها حاجة
يا عم يا عم
بس حلقتلك حلقة
هههههههههههههههههههههه
جميل بجد
تحياتى يا حازم
عووووووووووووووووووووووووو انا جيت اتخديت
..............................
ياواد ياتقيل انت ياواد....
حلوة اوووووووووووووى بجد....
وزى ماقولتلك قبل كدة الافكار والاسلوب بجد انت مختلف وكلمات جميلة مش مكرارة 100 مرة احساسك مختلف...
بجد رائع....
والله من كتر الريلاكس حاسة انى عايزة اناااااام
وبعدين تعالى هنا...
مين قالك تاخد نضارتى وتصور بيها
؟
؟
؟
ارفع راسك فانت اهلوى....
بيب
بيب
بيب
بيب
................
وربنا يخليك ويسعدك على طولللللللل الخط
عوووووووووووووووووووووووو
صباحك سكر يا حازم
ايه الجمال دا كله
الله الله يا سيدى
الناس الاهلاوية بقى دايما دماغها حلوة
هههههههههههههههههههه
وايه يا باشا المواهب المدفونة دى ايه كدا انا فى انتظار المزيد
تحياتى لك
يويو
reem
أهلا بيك علي Relaxation
و نورتي المدونة بزيارتك الرقيقة دي
و مرسي علي كلامك الجميل ده كله
و يا رب يدوم التواصل
مع تحياتي
رئيسة حزب الأحلام
إش إش أيوة أسكندرية عروسة طول عمرها و بجد مدينة آخر ريلاكسيشن
و يا رب تكوني قضيتي وقت جميل هناك
و حمد الله عالسلامة
مع تحياتي
seven
اهلا بيك علي Relaxation
و نورت المدونة بالزيارة الأولي ليك
و مرسي علي زوقك الرقيق
مع تحياتي
آية الشقية الشعنونة
شفتي اللي بيحصل لنا من تحت راسكم
ربنا معانا
^_^
و بجد ليك وحشة فين بوستاتك الجامدة
و متشكر يا جميل علي الكلام الرقيق
مع تحياتي
كيكي
يا مامي ^_^ اتخديت موت
و إيه الكلام الجميل ده كله
و مبرووك السوبر للأهلي و لكل الأهلاوية
و سعيد ان الموضوع عجبك
و سعيد انك بقيتي ريلاكس عالأخر
^_^ هه ^_^
مع تحياتي
yoyo
يا مساء الجاتوه المحشي شيكولاه و متغطي بكريمة الفسدق و اللوز و الملبس و حلبة خضرا علي ترمس
^_^ هه ^_^ هه ^_^
ازيك يا يويو
و مرسي علي زوقك الرقيق و الكلام الجميل ده كله
و ألف مبروك للأهلاوية و بيب بيب أهلي
مع تحياتي
الله عليك فعلا
انت خلتنى اتخيل الحوار بين البحر والموجه
احساسك عالى اوى
البوست رائع رائع
جامدة قوى قوى الكلمات دى
ويارب عقبال مانعرف ناخد أجازة ونروح للبحر شوية.
ان شاء الله يوم الجمعه 1/8 الساعة عشرة صباحا امام هيئة المصل واللقاح فى الدقى51 ش وزارة الزراعة وبعد كدا هنروح علي نادي الزراعيين علشان نحتفل باعياد ميلاد المدونين
سووو
لماضة
جنة
شيماء الجيزى
الدعوة لكل مدونى مصر
الدعوة تنظمها
بنت خيخة واى كلام
اللهم اجعلها فى ميزان حسناتها
وكل من ساهم فيها
*****************
تسلم ياحااازم على هذة الانشودة الرائعة
فين البوست الجديدددددد مستنية اهوة
انا جيت متاخرة اوووووووووووى
بجد يا حازم ابداع اااااااااااوى والكلمات حلوةجدا بس مش عارفة لية ومتزعلش منى انا متريقش واللهى بالعكس فكرتنى بفيلم بحبة جدا بتاع سعاد حسنى (صغيرة على الحب)
المقطع فى كلماتك اللى بيقول (الموجة بتكلم البحربتقولة سيبنى شوية )...... فكرتنى بمشهد سعاد حسنى وهى بتكلم عم مش فاكرة اسمة اللى بتقولة فية يخليها اكبر وقت وهى كبيرة ومش صغيرة ( وبتقول سيبة يقولى حكاية البلبل ) ههههههههههههههه انت فهمت حاجة
تحياتى
جامد الحوار ده !
خليك ريلاكس خليك تقيل !
بس المشكلة
على ايه بالظبط ؟
جميلة الكلمات والبوست أجمل صراحتن أبداع حقيقي وكلام جميل وخاتمة عجيبة جداً بل هي أكثر من رائعة.
إلي الأمام دائماً تقبل تحياتي وأحترماتي.
وخليك ريلاكس خليك تقيل ... لؤؤل
amal
ازيك يا أمل إيه الأخبار
مرسي علي الكلام الجميل ده كله
و سعيد بإن الموضوع عجبك
و دايما منورة
مع تحياتي
قلب مصري
أهلا بيك علي Relaxation
و نورتني في زيارتك الأولي
و بجد حاول توفر وقت و لو بسيط و روح اعمل ريلاكسيشن عالبحر
تمنياتي بدوام التواصل
مع تحياتي
نهر الحب
مرسي علي الدعوة الرقيقة دي
و بجد حاجة آخر جمال منكم و كل سنة و كل مدونين مصر بخير و سلام و كل سنة و انت طيبة و يا رب أقدر أشارك لو أمكن
مع خالص تحياتي
bob
أهلا بيك يا بوب علي صفحة التعليقات ب Relaxation
و سعيد إن البوست عجبك و مبروك المدونة الجديدة
مع تحياتي
PrInCeSS BeRy
ازيك يا بيري
و يا رب كده منورة المدونة دايما
و سعيد بإهتمامك و إن شاء الله هحاول متأخرش و أنزل البوست الجديد في أقرب فرصة
مرسي يا جميل عالسؤال
مع تحياتي
سارة علي
ازيك يا سارة
يا ستي انت تنوري في أي وقت و ولا يهمك
ده كفاية الكلام الجميل ده كله
و أنا فهمت قصدك ^_^ انت تقصدي أوبيريت صغيرة عالحب لسعاد حسني و عم حزمبل و الصياد و أنا سعيد بالتشبيه الرقيق ده لكنه بجد مختلف شويتين عن موضوعي
و سعيد جدا إن البوست نال إعجابك
مع خالص تحياتي
كوارث
أهلا بيك علي Relaxation
بس ربنا يبعد عننا الكوارث ^_^
متزعلش أنا بقصد المعني اللفظي للكلمة
وسعيد بزيارتك و أهلا بيك في أي وقت
مع تحياتي
L0vElYGh0sT14
أهلا بيك علي Relaxation
و نورت المدونة بزيارتك الأولي
و مرسي عالكلام الجميل و زوقك الرقيق
و أنا لسه فاكر بوست العسكري
^_^ هه ^_^ هه ^_^
مع تحياتي
هاي
انا اول مره اشوف مدونتك وحقيقي هي تحفه ولذيذه اوي كفايه اسمها والسونج لايقه عليها اوي ....وعجبني كمان حديثك مع البحر دي اكتر حاجه بتخلي الواحد يعرف حقيقه اللي جواه بجد وكمان البوست هااااايل والصوره روعه...
تقبل مروري وتحياتي ليك .
أختك شيتوس
جميل البحر ..
بس معروف من زمان انه غدار ...
بوست جميل .. واحساس أجمل
بانتظار جديدك ..
تحيــــــــاتي
شينوس الأهلامية أوي
أهلا بيك علي Relaxation
و حقيقي سعيد بالزيارة الرقيقة و الكلام الجميل ده كله و يا رب تتكرر الزيارة
مع تحياتي
ميرام
أهلا بيك علي Relaxation
و نورتي المدونة بزيارتك الأولي
و مرسي علي زوقك الرقيق
و بالفعل البحر عرف عنه الغدر لكن لا أحد ينكر جمال البحر أيضا
مع تحياتي
إرسال تعليق