02‏/08‏/2008

الطيور علي أشكالها تقع


الطيور علي أشكالها تقع

وقفت كثيرا أمام هذه الجملة
أسأل نفسي

هل هي بالفعل مثل من أمثال أسلافنا ؟
أم هي معلومة علمية بحته خاصة بعالم الطيور فقط ؟

وهل بالفعل الطيور علي أشكالها تقع ؟
و قصدت بسؤالي السابق عالمنا البشري

دخلت إلي كهفي لأنفرد بنفسي
لآخذ القرار
فأخذت نفسا عميقا و بدأت بالمشوار
و في الطريق
راودتني العديد و العديد من الأمثلة
التي نري فيها أنفسنا نردد تلك الكلمات
( الطيور علي أشكالها تقع )
فكانت الأمثلة كلها تصب في صالح الجملة و مضمونها


ففرحت و بأعلي صوت قلت
الأن أيقنت حقا الطيور علي أشكالها تقع
و أخذت أجري و أجري كأني وجدت إكتشاف

لكن

وسط كل هذه الفرحة
ارتطمت بحائط صلد فتحولت أفكاري لأشلاء
فوقفت ثانيا لألملم ما سقط مني
و حاولت جاهدا أن أجد طريق آخر كي أسلكه لأكمل ما بدأت و أرتب أفكاري

لكن للأسف

لم أجد لفكري طريقا آخر
فقررت بشجاعة و إصرار
أن احطم الجدار
فضحك بسخرية و قال لي ما قال

أأيقنت أن الطيور علي أشكالها تقع هه هه
أفرحت بتلك الأمثلة الوردية هه هه
هه هه
هه هه هه هه هه

يا عزيزي تفكيرك غير سليم
و وجب علي تنبيهك



احذر ( الخداع و اللؤم )
فقد تجد صديقا أو حبيبا لتقول لنفسك
لقد وجدته فالطيور علي أشكالها تقع

و بعد قليل تجد أنه لا مجال لذكر هذه الجمله
و فجأة حل الصمت و وجدت نورا ساطعا

رأيت الطريق ظاهرا أمامي
فسألت نفسي في دهشة
أين الحائط الصلد و كيف اختفي ؟!

و وسط كل هذه الحيرة
قررت الرحيل دون إكمال الطريق
أو حتي أخذ القرار

فهل أنا علي حق أم الحائط أحق ؟!!!
cold air




كلمة Relaxation
*-*-*-*-*-*-*-*-*-*-*-*
حدثنا ديننا الإسلام بهذا الشأن كثيرا
فنجد قول الصديق
(صلي الله عليه و سلم )
المرء علي دين خليله
و بقرآننا العظيم
الطيبون للطيبات و الخبيثون للخبيثات

فلقد خلق لنا الله العقل لنحدد من هو الطيب و من هو الخبيث
و نهي الإسلام عن التواكل و عدم التفكير
فنصيحتي لي و لك
لا تنخدع بالمظاهر و تقنع نفسك بأشياء قد تجدها بالنهاية أوهام نسجتها بفكرك و خيالك الواسع
و كالعادة أذكركم
الإسترخاء يساعدك علي التركيز و الإستمتاع بالوقت
BE RELAX & ENJOY

هناك 99 تعليقًا:

سارة علي يقول...

اااااااااااااااول تعليق
عارف يا حازم الاول احب اهنيك على الموضوع وتانى حاجة احب اهنيك على طريقة عرضك لية بمنتهى الموضوعية
تالت حاجة " الطيور على اشكالها تقع " كمعنى مثل بيقولك ان اى حد بتصاحبة بتربطك بية اى علاقة معينة لازم يكون فى صفات مشتركة ما بينكم
ودة سببة الطاقة الايجابية او السلبية اللى جوة كل واحد فينا
بمعنى ..... روحنا وتفكيرنا واحساسنا بيولد ذبذبات ودى حقيقةعلمية ودة بيدى طاقة جواك ياما ايجابية ياما سلبية على حسب فكرك والشخص الاخر برضو بيكون عندة نفس الشىء
تفسير تانى ::::: المعاملات بتحكم فية.....ز لو عاملت انسان كويس هيعاملك بذات المعاملة ...... بدليل لو كنت بتكرة حد اوى وحاولت تقرب منة هتحس انوا كان عندة قليل او جزء او كميةمن مشاعرك ناحيتة لكن لما تبدا تتغير معاة وتبقى كويس هتحس انوا مبدائيا بيعلن تجاوبة معاك فى الشعور دة بس النتيجة النهائية بتكون رهن الظروف والوقت وشخصية الانسان ذات نفسة ودة بينطبق علية مثل تانى " لا محبة الا بعد عداوة "
سورى على التطويل فى التعليق
تحياتى

ReEm يقول...

على فكرة انا من الناس اللي مؤمنة بكدة
ولو انه ساعات مش بتبقى كدة يعني ممكن حد

يتجوز حد ما يستاهلوش بس ساعت برجع اقول

مش يمكن الطرف ده مش هيجي الا بالمعاملة دي

يعني لو ربنا واقعه في حد طيب هيبقى اسوء من

الشخص اللي هو اتجوزه


وفي موضوع الاصحاب بجد لازم الواحد يعرف يختارهم

عن نفسي لما بلاقي صاحبة مشيت مشي مش كويس

بنصحها كتييييييييييير ما رجعتش عن

اللي هي فيها ببعد بصراحة

لانه الناس مممكن جدا تحكم عليا منها

وهي كمان ممكن تجرني

و ربك يوقنا في الناس الطيبة

oRiGiNaL HeArT يقول...

الموضوع دة محيرنى اوى فعلا
بقعد اسال نفسى هما مش بيقولو الطيور على اشكالها تقع طب ليه دة محصلش معايا ولا مرة
وهو يعنى ايه اصلا الطيور على اشكالها تقع؟؟
بحس انه مش حقيقى لاننا ممكن نرتبط بحد وميكونش زينا خالص فى الطباع ولا الاسلوب ولا اى حاجةفى الحقيقة انما ممكن يكون الظاهر اننا مشتركين فى حاجات كتير بس مبنبقاش شكل بعض يعنى و بنقع على بعض عادى :)
منين الله اعلم! ازاى بردو متعرفش
وفى الاخر ممكن اقول ان الموضوع دة يتوقف على اختيارك للشخص اللى قدامك
هتابع معاك الموضوع بقى يمكن افهم شوية
تحياتى :)

Bob يقول...

فعلا
بس انا راى اللى مش الطيور بس اللى بتقع عبى اشكالها
من وجهة نظرى اى حاجة بتقع على شكلها
او بمعنى اصح على خيالها
ولكن هم طبقوها على الطيور على اساس المسافة بينها وبين خيالها كبيرة لانها دائمةالطيران ومهما تبعد هتقع على خيالها او على شكله زى ماقل المثل
والنتيجة انى مهما حاولت تبعد عن اللى زيك مش هتقدر
الى اللقاء

إنتظارات شاهقة يقول...

نعم الطيور على اشكالها تقع
و لكن ليس دوما ما يقربنا هو التشابة
او الملائمة ولكن ايضا الاختلاف يقرب
فأذا قابلت احدهم وكان مختلف عنك
واستطاع كلا منكما القفز فو اختلافات الاخر يؤدى ذلك الى علاقات امتع واثرى

موضوع يستحق التفكير

احترامى

العراف يقول...

فعلا الطيور على اشكالها تقع انت كنت موفق جدا فى اختيار الموضوع الجميل ده وتجسيده لنا فى صوره حسيه ومعنويه ايضا بجد موضوع تستاهل عليه بوووووووووووووووووووووووووووسه حلو قوى ما شاء الله عليك

Aaya يقول...

السلام عليكم ورحمة الله وبركاته

حازم

موضوعك حلو أوي
احنا كتير فعلا بنقابل ناس في حياتنا
فيهم الوحش وفيهم الطيب بس زي ماأنت قولت ربنا ميزنا بالعقل عشان كده احنا لازم نختار الناس اللي احنا بنعرفهم.... أشكرك على موضوعك وتفكيرك
..........................
أختك في الله

Aaya

زى الهوا يقول...

طريقة عرضك للموضوع عجبتنى جدا , عرضته بشكل موضوعى ومنطقى

تعليقى بقى على البوست :

بص هاقولك على حاجة , اه مش اى حد هتعرفه تقول خلاص هوه دا انا والطيور على اشكالها تقع , زى ماقولت , لأ خالص سيب الزمن هوه اللى يثبتلك المثل دا

هقولك اذاى , يعنى ممكن تصاحب عشرة , وفجأة تلاقى إن فى واحد منهم هوه اللى قريب منك اوى , وشوية فى شوية تلاقى الكلمة اللى عايز تقولها هوه بيقولها قبل , يبقى ساعتها المثل جه لوحده مش احنا اللى رحنا جبناه علشان نمشيه وخلاص

عارف انا اخر سنة فى الكلية , قعدت ابص على شلة شلة , وفعلا بقيت باتعجب , سبحان الله فعلا , كل اللى شبه بعض مصاحبين بعض , شبه بعض فى كل حاجة , مستوى اجتماعى , تفكير ثقافة , دم ( خفيف او سم , اكيد مش قصدى الفصيلة ) , انا خرجت وانا معايا اربع بنات شبهىىىىىىىىىىىىىىى أ او شكلى بقى لو هنمشى على المثل

رغم انى اول سنة كنت فى شلة فيها بتاع 15 حد , وبعدها قعدنا نقل ونتنقل من شلة لشلة لغاية مالقينا بعض
يارب تكونى فهمت منى حاجة

غير معرف يقول...

اميل يا حازم لتصديق العباره . من ناحية اننا دائما عن تلك الشخصياتلاالتي تقارب شخصياتنا من حيث الاهتمامات والسلوكيات , وقد تكون علي شكل اخر فنبحث عن شخصيات تكملنا لسد قصور قد نحسها لبعض الوقت.

بالنسبه للمظهاهر فهي قد تخدعنا لبعض الوقت وليس طول الوقت

موضوع جميل اوي يا حازم

غير معرف يقول...

معلش يا حازم لو في بعض اللخبطه في تعليقي , اصل الكيبورد مهيس هههههه

Cold air يقول...

سارة علي

ازيك يا سارة و أهلا بأول تعليق و شكرا عالمتابعة و التواصل
و حقيقي سعدت كثيرا بردك الموضوعي و أنا أعتبره بوست يستحق الرد عليه و ليس مجرد ردا علي موضوعي
و بالنسبة لتفسيراتك اللي وضحتيها فأنا بالفعل أؤمن بنظرية لكل فعل رد فعل أي المعاملة هي التي تبني العلاقة سواء بالصورة الجيدة او السيئه و فعلا لو حبيت حد هو كمان هيحبني و لو كرهته أكيد بالتالي هيكرهني و بالنسبة للمثل " لا محبة إلا بعد عداوة "
فأنا جربته كتير و بالأخص في بداية بناء صداقات و زمالات جديدة

مرسي مرة تانية علي وقتك و مع تحياتي

Cold air يقول...

reem

ازيك يا ريم و مرسي علي ردك الجميل
أنا حبيت أعلق علي الجزئية دي
..............
وفي موضوع الاصحاب بجد لازم الواحد يعرف يختارهم
عن نفسي لما بلاقي صاحبة مشيت مشي مش كويس بنصحها كتييييييييييير
ما رجعتش عن اللي هي فيه ببعد بصراحة
لانه الناس مممكن جدا تحكم عليا منها
وهي كمان ممكن تجرني
.............
انت ناقشتي جزء مهم في الموضوع و هو المتعلق بالأصدقاء و حقيقي الإنسان قد يجد بعد فتره انه أساء الإختيار أو خدعه المظهر و يجد أمامه شخص مختلف عن ما توقعه وأكيد النصيحة شيئ ضروري و إن لم تجدي نفعا فالإنسحاب هو الحل الأمثل

و ربنا يوفقك و يفقنا جميعا في الإختيار المثل

مع تحياتي

Cold air يقول...

oRiGiNaL HeArT

ازيك يا ( oRiGiNaL HeArT ) و انا سعيد جدا بمتابعتك و تواصلك مع Relaxation و ردودك الرقيقة و دايما منورة المدونة
...............
بحس انه مش حقيقى لاننا ممكن نرتبط بحد وميكونش زينا خالص فى الطباع ولا الاسلوب ولا اى حاجة فى الحقيقة انما ممكن يكون الظاهر اننا مشتركين فى حاجات كتير بس مبنبقاش شكل بعض يعنى و بنقع على بعض عادى :)
منين الله اعلم! ازاى بردو متعرفش
..............
يمكن حد بيكعبلنا و احنا مش شايفين
^_^
بس بجد كلامك سليم و انا سيبت الموضوع مفتوح حتي لا أحجر علي آرائكم و أفكاركم و يا ستي تابعي براحتك و لا يهمك ^_^

مع تحياتي

Cold air يقول...

bob

ازيك يا بهاء و حقيقي رأيك و توضيحك شدني أوي و يمكن يكون هو ده أصل المثل بالفعل فالطيور بيكون لها خيال علي الأرض في حالة طيرانها و عند هبوطها علي الأرض يقع الطائر علي ظله أو شكله و بكده الطيور علي أشكالها تقع

شكرا يا بهاء علي الإيضاح و أهلا بيك للمرة التانية علي Relaxation

مع تحياتي

Cold air يقول...

أحلام اليقظة

ازيك يا ophilia و مرسي علي كلامك و زوقك الرقيق في رأيك علي الموضوع
............
ليس دوما ما يقربنا هو التشابة
او الملائمة ولكن ايضا الاختلاف يقرب
فأذا قابلت احدهم وكان مختلف عنك
واستطاع كلا منكما القفز فو اختلافات الاخر يؤدى ذلك الى علاقات امتع واثرى
...........
فعلا معك كل الحق فدائما ما يكون الإختلاف دعوة لكسر الملل و الرتابة و إنعاش العلاقة أولا بأول و لكني أعتقد ان الإختلاف يجب أن يكون له حدودا لا يتخطاها و إلا فشلت العلاقة.

مع تحياتي

Cold air يقول...

العراف

ازيك يا أحمد و مرسي علي متابعتك و ردودك الجميلة و بجد أنا سعيد بالتواصل و يارب يدوم إن شاء الله
و مرسي علي البووووووسة الجميلة دي و أردهالك في الأفراح

^_^

مع تحياتي

Cold air يقول...

آية

و عليكم السلام و رحمة الله وبركاته
ازيك يا آية و سعيد جدا إن البوست نال علي إعجابك و بالفعل العقل نعمة من ملايين النعم التي أعز الله بها الإنسان و فضله علي سائر المخلوقات و أكيد العقل له دور كبير في الإختيار الأمثل للصداقات و العلاقات عامة

مرسي يا آية علي ردك و أكيد دايما منورة المدونة بردودك الرقيقة
مع تحياتي

Cold air يقول...

زي الهوا

ازيك يا موحة و بجد سعيد إن البوست عجبك و دي شهادة من صاحبة اجمل ترتيب للموضوعات و طرق عرضها
.............
عارف انا اخر سنة فى الكلية , قعدت ابص على شلة شلة , وفعلا بقيت باتعجب , سبحان الله فعلا , كل اللى شبه بعض مصاحبين بعض , شبه بعض فى كل حاجة , مستوى اجتماعى , تفكير ثقافة , دم ( خفيف او سم , اكيد مش قصدى الفصيلة ) , انا خرجت وانا معايا اربع بنات شبهىىىىىىىىىىىىىىى أ او شكلى بقى لو هنمشى على المثل
............

فعلا كلامك صحيح مية المية و هو ده اللي بيحصل لنا كلنا و ربنا يخليكم لبعض اصدقاء بحق و يبعد عنكم التوتر و تفضلوا علي طول ريلاكس ^_^

مرسي يا موحة علي ردك و نصيحتك و مع خالص تحياتي مش تحية وحده هههههههه

Cold air يقول...

الفارس الملثم

ازيك يا محمد ^_^ خير ماله الكيبورد ألف سلامة و هو في أنهي مستشفي عشان أروحله زيارة هههههههههههههههههه

و ولا يهمك يا محمد أنا خلاص عرفت تفكيرك و إسلوبك الجميل في الكلام و حتي لو كتبت هيلوغريفي هيكون الكلام حلو و بالفعل كلامك سليم فعادتا ما نبحث عن نصفا مكملنا لشخصيتنا عشان العلاقة تكون أقوي و أصلح للإستمرار و أكيد المظاهر بتنكشف بالوقت فالطبع يغلب التطبع

مرسي لك و بنصحك تبعد الماوس عن الكيبورد ليلقط منه شكله مرض معدي

^_^ هه ^_^ هه ^_^

مع خالص تحياتي

شهرزاد يقول...

حازم
أعجبتني طريقة تفكيرك وعرضك للأمور
وتحليلك

ممكن أن تلاقي شخصا تنسجم معه في البداية ثم تجد في النهاية انكما على خلاف.. وتفترقا وقد يحدث العكس احيانا
وتبقى التجربة ومواقف الحياة هي التي تكشف معادن الناس وطباعهم المختلفة والمرء على دين خليله

والاهم من كل شيء هو الاسترخاء!!

موضوعك يثير الإعجاب

تحياتي لك

روووومي يقول...

سلام عليكم......
جميل تناولك للموضوع جدا بس في رايي المثل ده مش بينطبق كتير اليومين دوول يمكن ده لطبيعة الحياة اللي بقت سريعة جداوده بيخلينا مانركزش في الناس اللي نعرفها واللي نأمنها علي روحنا بس في اغلب الاحيان بيكون فعلا الطيور علي اشكالها تقع يعني مثلا لو اخدت اي جروب في الجامعة وبصيت له هتلاقيهم تقريبا بيفكروا تفكير واحد وعشان كده بقي اسمهم جروب لان في حاجات مشتركة بينهم وبرغم كده برده ممكن تبص لجروب تلاقي في حد مخالف القاعدة ومش زي بقية الجروب في الطباع مثلا وكده

بس انا عندي تفسير للموضوع ده ....
انت مثلا لما بتتعرف علي شخصية ما
الشخصية دي ربنا حطها في طريقك بطريقة ما فأنت بتبدأ تتعرف عليها
احنا كلنا مش زي بعض وكل واحد فينا له اخلاقه وله طريقته اللي بيفكر بيها ومع الوقت بيبدأ يبان بقي اذا كنت متوافق مع الشخصية دي والا لا
ولما بيكون فعلا فيه توافق بينطبق المثل ده الطيور علي اشكالها تقع
بس احنا ساعات بنغلط وممابنحسبهاش صح
وبنبقي عارفين ان الشخص اللي قدامنا مش زينا في حاجات كتير ومع ذلك بنكمل
عشان كده لازم نحكم القلب مع العقل مش القلب فقط

اسفة اني طولت

بالتوفيق

EMMY BABY يقول...

حازم بجد بوست هايل

طريقة العرض حلوة تثير التفكير

لازم كل واحد فينا لما يحكم على الاشخاص يحاول يوصل للاعماق وبد كدة يقول اذا كان فعلا وقع على نفس شكله ولا لا

جميلة كلمتك فى الاخر وتحذيرك من اننا نتخدع بالمظاهر هى فعلا اسوأ حاجة فى التعاملات دلوقتى ان بعض الناس بقيت تحاول تظهر بشكل غير اللى جواها وحقيقتها

تحياتى ليك

ايمى

غير معرف يقول...

موضوع جيد جدا للكتابه ومميز جدا ولكنى الاحظ انك اغلقته بسرعه وهذا الموضوع يفضل الكتابه فيه اكثر
وبالنسبه ليا انا مؤمن انى الطيور على اشكالها تقع ومش هتنفع صداقه غير لما الاتنين يكونوا نفس التربيه ونفس المستوى ونفس الفكر ممكن فى استثناءات بس دى القاعدة العامه الطيور على اشكالها تقع ارجو منك كتابه اكثر فى ذلك الموضوع
بصراحه مواضيعك كلها مميزه ارجو ان تواصل ولا يعطلك شىء
وتحياتى لك

Unknown يقول...

السلام عليكم ورحمة الله وبركاته
cold air
قاعدة او حكمة ممكن تكون صح
فى احيان وممكن تكون خطأ فى
احيان اخرى فبنى الانسان ليس
لهم قاعدةواحدة للتعامل معهم.
مايعلم بهم الا خالقهم عز وجل.

RASHA يقول...

مش عارفة مش مقتعة لانى عندى امثلة كتير فى الحياة يعنى مش حاجة ممكن نعممها ساعات فى ناس بتكون كويسة ويرميها قدرها السئ على حد مش كويس تحياتى واشكرك لمرورك وبوست رائع

RASHA يقول...

على فكرة مدونتك شكلها جامد اوى وجديد تحياتى

مدحت محمد يقول...

الطيور على اشكالها تقع ( احيانا )

بمعنى انت ممكن تكون فاكر انسان كويس

بعد فترة يتضحلك عكس ماتوقعت

وممن فعلا النظرة تصيب فى بعض الاحيان

تعرف انا لما اجى اتعامل مع حد لاول مرة بقيس شخصيته على حد عرفته قبل كدة
وبحكم عليه على اساسها

ممكن يكون القاعدة غلط

بس سبحان الله بتطلع معايا صح على طول

محمد فاروق الشاذلى يقول...

عزيزى / حازم
بالفعل الطيور على أشكالها تقع، وليس معنى أن تقابل شخصاً ما ليس على شاكلتك خطأ هذه العبارة لأنه ببساطة علاقتك بهذا الشخص لابد أن تنتهى بإكتشاف حقيقة الاختلاف بينكم ثم تفترقان مما يؤكد صدق المقولة لأنها لو كانت خاطئة لاستمرت علاقتك به بعد ذلك.

تقبل تحياتى

Empress appy يقول...

ممكن حد يكون مش عارف ولا فاهم اللى قدامه ابدا فعلشان كده ممكن يتظلم ويتاخد بذنب اللى قدامه فانا ضد المثل
انما الشخصيات الوحشه فيووووا كتير اوى

نـــــور يقول...

لا ياحازم الحيطة هى اللى عندها حق
ههههههههه
شوف ياسيدى فى اول زيارة ليا هنا احب اقولك فلسفتى فى هذا الموضوع
اولا طبعا وشوور واكيد لازم المظاهر فى اوقات كتير بتخدع وبتخدع قوى كمان فلما بتيجى الحقيقة تظهر بنقول الطيور على اشكلها تقع
بمعنى ان المقوله نفسها مش غلط لا دى صح جدا وزى مابيقولوا فى المثل البلدى ماجمع الا اما وفق لكن الحكاية ان احنا اللى احيانا مش بنعرف نكشف المعدن الاصلى للناس علشان نعرف ان الطيور على اشكالها تقع

يارب تكون فهمت وجهة نظرى
تحياتى ليك واتمنى يدوم التواصل
دمت بكل خير

kochia يقول...

يمكن الطيور علي اشكالها تقع
لكن الطيور

لكن ه الانسان زي الطيور كدة ممكن تلاقي نفسك فعلا مع من يشبههك

انا اري انه نعم
الطيور علي اشكالها تقع
مع الاستثناءات

ولكن انظر للامر برؤية واسعة شاملة واستمرارية

لا كموقف او صحبه استمرت عام او اثنين
مع احتمال تغير من شابههك وسوف تجد ان العلاقة فترت مع التغير لان التشابه بينكما اختفي

موضوع به العديد من المتغيرات

تحياتي

Cold air يقول...

شهرزاد

ازيك يا شهرزاد و سعيد إن البوست نال إعجابك و مرسي علي كلامك الرقيق
..........
التجربة ومواقف الحياة هي التي تكشف معادن الناس وطباعهم المختلفة والمرء على دين خليله
..........
فعلا التجربة و مواقف الحياة خير إثبات علي جوده معدن الإنسان من عدمه

و المهم تكوني ريلاكس ^_^ هه ^_^
مع خالص تحياتي

Cold air يقول...

روومي

أهلا بيك يا رومي علي Relaxation
ونورت المدونة في طلتك الأولي الرقيقة دي
و معاك حق في تفسيرك اللي وضحتيه و بجد المثل ده محير فكثيرا ما ينطبق علينا و بعد ذلك نجد أنه سراب
و متشكر علي كل كلمة تناولتيها في ردك الجميل و ولا يهمك براحتك خالص أنا مش بزهق دأنا ريلاكس عالأخر ^_^

مع تحياتي

Cold air يقول...

EMMY BABY

ازيك يا ايمي .. و مرسي علي زوقك الرقيق و سعيد إن الموضوع عجبك
وفعلا لابد من معرفة الناس و معاشرتهم قبل إصدار الحكم النهائي علي العلاقة بالنجاح أو الفشل

مع تحياتي

Cold air يقول...

GENIUS

ازيك يا محمد .. و مصيف سعيد إن شاء الله ^_^

فعلا الموضوع كان محتاج كلام أكتر بس أنا حاولت أتركه بالطريقة دي عشان أشاركم الرأي و كمان مكنش حاجر علي فكركم في الموضوع و سعيد جدا إن الموضوع عجبك

و ترجع لنا بالسلامة
مع تحياتي

Cold air يقول...

norahaty

و عليكم السلام و رحمة الله وبركاته
سعيد جدا برأيك و بالفعل حياتنا لا تقع تحت قاعدة أو قانون معين ليسير علي كل البشر و سعيد إن الموضوع أثار تفكيرك
و المثل يحتمل الصواب و الخطأ أيضا

مع تحياتي

Cold air يقول...

shasha

أهلا بيك علي Relaxation
و اهلا بأول فنانة عالمدونة
و مرسي علي كلامك الجميل ده كله
و معك الحق فالمثل لا يمكن تعميمه بكل الحالات
تمنياتي بدوام التواصل

مع تحياتي

Cold air يقول...

مدحت محمد

ازيك يا مدحت
أولا مش عايزك تزعل من التاج أنا و الله مش مطنش بس أنا لاحظت إنه لازم يتأخر شوية عشان يوحشكوا علي الأقل ^_^

و بالنسبة لرأيك في الموضوع ده فأنا سعيد بيه لأنك جربته زي مبتقول و سبحان الله دائما ما تصيب الإختيار ماشاء الله و يا رب دايما ^_^

مع تحياتي

Cold air يقول...

قلب مصرى

^_^ ازيك يا أخي القلب المصري
و انت طبعا فاهم الضحكة دي ليه يا كاتب يا مكار ^_^

...........
وليس معنى أن تقابل شخصاً ما ليس على شاكلتك خطأ هذه العبارة لأنه ببساطة علاقتك بهذا الشخص لابد أن تنتهى بإكتشاف حقيقة الاختلاف بينكم ثم تفترقان مما يؤكد صدق المقولة لأنها لو كانت خاطئة لاستمرت علاقتك به بعد ذلك
...........
رأيك سليم و بالأخص أننا بالفعل عندما نعرف المعدن السيئ الإنسان اللي بنتعامل معاه بنتركه فورا بس برده انا مصر ان ده نوع من أنواع الخدعة لأنه لو هو فعلا وحش يبقي ايه اللي رماه علي الطيب حتي لو مكتشفهوش
امر محير

مع تحياتي

Cold air يقول...

appy

اهلا بيك يا ابيي علي Relaxation
و سعيد بالتواصل اللي بتمني دوامه
و رأيك له كل الإحترام لأنه بالفعل المثل وجد الكثير من التضارب و لك كل الحق فالناش الوحشة بقت كتير بس برده لسه في ناس طيببن

مع تحياتي

Cold air يقول...

Habiba

اهلا بيك يا حبيبة علي Relaxation
و نورت المدونة بزيارتك الرقيقة
وجهة نظرك الفلسفية وصلت و بالنسبة للمثل اللي ذكرتيه في ردك
...
ماجمع الا اما وفق
...
هو نسخة من المثل اللي بالموضوع و فعلا الموضوع حمل أكثر الأراء تضاربا بس ماشي بقي تخلي الحائط يفرح فيا

^_^ هه ^_^ هه ^_^

دي تحية خاصة مني لأهل بلدي الحلويين

مع تحياتي

Cold air يقول...

kochia

اهلا بيك يا kochia علي Relaxation
و نورت المدونة
سعيد جدا إن الموضوع نال إعجابك و أثار فكرك و بالفعل عندك حق الموضوع قابل للإستثناءات
و شكرا علي النصيحة الجميلة دي
و يا رب يدوم التواصل

مع تحياتي

عاشقة الوطن يقول...

السلام عليكم

ازيك ياحازم

الطيور فعلا على أشكالها تقع
دايما كل واحد يعرف الناس اللى زيه
وان كان فى بعض الاحيان بنلاقي نفسنا عرفنا ناس وانخدعنا فيهم زى ماانت قولت (الخداع واللؤم)
ناس كتير بتخدعنا يمكن لان اللى بينخدع بيبقي عنده حسن نيه فى اللى بيتعامل معاه وفاكر ان كل اللى حواليه زيه وبيفكروا زيه

لازم نختار كويس اوى الناس اللى هنعيش معاها او اللى هنصاحبها
او غيره
بس فعلا دايما تلاقي كل واحد يروح للى زيه

والطيبين للطيبات فعلا
سبحان الله

تحياتى ليك ياحازم
وعلى طول كده ريلاكس
D:

PrInCeSS BeRy يقول...

هاااااااااااااااى ازيك يا مبدع ويا صاحب الراى الصائب

بصراحة انا فعلا مقتنعة بالمثل دة جدا لانك لما تكون حد كويس الكويس اللى زيك هيقرب منك لانو عارف انو زيك وانت زية اما الحد الوحش مش هيقرب لية بقة لانو الطيور على اشكالها تقع وعارف انو لو قرب مش زيك فا بجد مثل صح جدا جدااااااااااااااا


وتمام اوى البوست بجد ومفيد وربنا يوفقك يا مبدع

Bob يقول...

شكرا على ردك واهنيك مرة تانية على الموضوع
سلااااام ياصاحبى

محمد فاروق الشاذلى يقول...

وكيف نتعرف يا عزيزى على الشخص السيء إن لم نقابل الشخص الطيب، هذا هو المغزى من الإختلاف، ومعرفتك لهؤلاء المختلفين معك يصقل تجربتك فى الحياة لتتمكن بعد ذلك من فرز الناس.

سبحانه وتعالى له حكمة من كل شيء

وبعدين أنا مش مكار ولا حاجة يا عزيزى إنت اللى حظك جه كده معايا

Cold air يقول...

عاشقة الوطن

ازيك يا رضوي .. سعيد جدا إن الموضوع نال إعجابك و فرصة برده أحييك علي مواضيعك الممتازة
........
بس فعلا دايما تلاقي كل واحد يروح للى زيه
.......
حقيقي الحكاية دي بتحصل دايما
و بالفعل كل التجمعات أو الشلة بتلاقي أفرادها متشابهين علي الأقل في طريقة التفكير و لكن اللي شغل تفكيري هو العلاقات الفردية بين صديق و صديقه أو بين رجل و إمرأة..إزاي يكون المثل ده سليم إذا كان في خداع من أحد الطرفين.
شكرا لردك يا رضوى و تحياتي

Cold air يقول...

PrInCeSS BeRy

ازيك يا بيري..أولا مرسي علي كلامك الجميل و زوقك الرقيق ده كله
و بالنسبة لرأيك فأنا حابب أناقشه
.......
اما الحد الوحش مش هيقرب لية بقة لانو الطيور على اشكالها تقع وعارف انو لو قرب مش زيك فا بجد مثل صح جدا جدااااااااااااااا
.......
أنا معاك إن ممكن الشخص السيئ يبتعد بمجرد رؤية شخص جيد السلوك حتي لا يجد نفسه في محل ضعف لكن قد يخدعنا هذا السيئ و يرتدي ثوب الطيبة و الصدق ليتقرب إلينا كي ينتفع أو ليوقع بنا في السوء.
سعيد جدا إن الموضوع نال إعجابك و يا رب دايما منورة Relaxation

مع تحياتي

Cold air يقول...

Founoon

أعتز جدا لخطأي الساذج و حزفي لتعليقك دون قصد ( كنت بجرب حاجة و فشلت ) عفوا
ازيك يا فنون..سعيد جدا برأيك و ردك الجميل و كمان نصيحتك الجميلة دي
........
اما العلاقات العابرة او الغير قريبة او من تكتشف زيفه وكذبه وخداعه بسرعة فاعلم انها تذكرة ولفت نظر من الله
.......
أكيد الواحد لازم يحمد الله علي كشف مثل هذه الشخصيات بالوقت المناسب
و رأيك بالمثل واضح و حقا فالطيور علي أشكالها تقع و لكن يوجد إستثناءات من قبيل الخدع و اللؤم.

مع خالص تحياتي

Cold air يقول...

bob

د أنا اللي أسعد بمشاركتك يا بهاء و دايما منور يا صديقي. مع تحياتي

Cold air يقول...

قلب مصري

اخي الكريم قلب مصري..أرجو ألا تتضايق من مداعبتي البريئة و التي قصدت بها قدرتك علي كتابة القصص المركبة و جيدة الحبكة و نعتي لك بالمكر قصدت به قدرتك علي الكتابة و ليس مكر شخصيتك أبدا

و حقيقي سعيد بالتواصل و سعيد بإسلوبك في العتاب بدل متمشي من غير ما أوضحلك رأيي و يا رب يديمك أخ عزيز عليا

مع خالص إحترامي و تقديري

محمد فاروق الشاذلى يقول...

والله يا صديقى الحبيب أنا لم أغضب ليقينى أنك تداعبنى
وأسأل الله أن يديم الود بيننا لوجهه الكريم.

momken يقول...

الايه القرانيه بتقول
بسم الله الرحمن الرحيم

الطيبون للطيبات* والخبيثون للخبيثات

صدق الله العظيم

اعتقد انه بتدى نفس المعنى الى عاوز تقوله

لكن فى الاخر الموضوع اختيار وممكن احد الاطراف يختار خطا
ويكون حد كويس ومعاه حد مش كويس
بتحصل كتير
هى مش قاعده
لاكنها ظاهره

البوست جامد اوى
تحياتى

طوبه فضه وطوبه دهب يقول...

بجد عندك حق بس الانسان لازم يتانى قبل ما يختار وما يسبهاش للظروف

عاشقة الوطن يقول...

السلام عليكم

ان كان الموضوع بين صديق وصديقه فممكن فعلا تكون عندك صديق عزيز عليك اوى وحاسس ان الدنيا هى ديه وهو احسن واحد فى الدنيا ومش عارف ايه بس فجأة تلاقي نفسك أنخدعت فيه
ده اكيد الوجه الاخر للحياة والدنيا
ماهى مش على طول هتكون حلوة
المشكلة بقي فى الحالة ديه هو انك بتتعامل مع الشخص ده بحسن نية
بس ساعة ما الوجه الاخر لصديقك يطلع أظن أفضل حل انك تشيله من حياتك تماما
بيقولك ايه فى المثل "عتاب الندل إهماله"
والصديق المخادع ده او اللى بيظهر بوجه اخر هو ندل وميستاهلش حتى انك تعاتبه

اما بقي بالنسبة للعلاقة بين مثلا اتنين بيحبوا بعض وان ممكن واحد فيهم يخدع التانى فبصراحة ده أسوأ بكتير
لان فى الحالة ديه معرفش ايه اللى ممكن يحصل
يعنى تأمن واحد على قلبك وبعدين يخدعك يبقي أكيد ده مش انسان

معلش طولت عليك وحاسة ان كلامى ملخبط
ماعلينا

المهم تكون فهمت انا عاوزة اقول ايه

وشكرا ليك

تحياتى

Cold air يقول...

قلب مصري

^_^ سعيد بمكسب أخ حقيقي و دائما علي تواصل إن شاء الله

مع تحياتي

Cold air يقول...

momken

أهلا بيك علي Relaxation
و سعيد بالزيارة الكريمة دي
و متشكر علي الكلام الرقيق ده
و بالفعل الأية القرآنية وضحت بشكل صريح و لكني كما ذكرت بالبوست أن الله حبانا العقول لنفكر و نعرف الطيب من الخبيث
سعيد إن البوست نال إعجابك
مع تحياتي

Cold air يقول...

جفت الدموع

أهلا بيك علي Relaxation
و بالفعل في العجلة الندامة و في التأني السلامة
مع تحياتي

Cold air يقول...

عاشقة الوطن

متشكر لتجاوبك مع الموضوع يا رضوي
و بالنسبة لكلامك
.........
المثل "عتاب الندل إهماله"
والصديق المخادع ده او اللى بيظهر بوجه اخر هو ندل وميستاهلش حتى انك تعاتبه
.........
أنا معك و لكن قبل الإهمال لابد من توجيه النصح و الإرشاد عشان تبقي عملتي اللي عليكي و لو أصر يبقي الإبتعاد أحسن حاجة
و أكيد و جهت نظرك وصلتني و كلامك مفهوم جدا و شكرا مرة تانية

مع تحياتي

حـــــدوتـــــة يقول...

السلام عليكم

ايوة انت مروق نفسك
ومفضى دماغك من الدوشة

عموما كلامك صح المفروض الواحد ميتخدعش بالمظاهر

سلالالالالالالالالالالالالالالالالالالالالالالالالام

نور الدين (محمد الجيزاوى) يقول...

دائما تاتى بكل مفيد ايها الاخ الحبيب
وقد ازعجت عقلى جدا فى مقدمة مقالك واخذت انا ايضا اسال نفسى ترى من اى الطيور انا واى الطيور هم رفاقى
وهل انا مثل صديقى فلان اذا هى كارثة
وممكن ابقى زى علان يانهااااار اثوود على رأى رياض باشا المنفلوطى دى تبقى مصيبة
....
ولكنك ارحت عقولنا فى النهاية باننا يجب ان نقف قليلا ونبحث وساعتها سنكتشف انواع الطيور ثم علينا بعدها ان نختار
..........
كل تحية وود
..................
نور الدين محمود

Eman Henaish يقول...

بالفعل الطيور علي أشكالها تقع

وكا انسان يختلف عن الآخر وعلينا أن
نتروي لنعلم أي طير ذاك الشخص الذي نتعامل معه حتي لا ننخدع بالمظاهر

تحياتي

Unknown يقول...

الطيور على اشكالها تقع
وتطير وتتألف
لانهم مثل بعض شكل بعض
لازم يكونوا كدة
يعنى مش ممكن تجد صادق وكداب متفاهمين
لكن كداب وكداب طبعا تلاقى الحياة جنة لهم لانهم قادرين على التكيف والتعامل والتعايش بنفس الطريقة ونفس الاسلوب
مع بعض

عشان كدة الصداقة غالية ونادرة
لانك مش بسهولة تلاقى حد يشبهك
ويكون طائر بنفس اخلاقك
تحياتى لك

قررت أكون عانس يقول...

يعنى ايه الطيور على اشكالها تقع او ايه اشكال و قعات الطيور

Desert cat يقول...

هو الجمله فعلا فى محلها وموقعها الصحيح
الطيور على اشكالها تقع

نور الدين (محمد الجيزاوى) يقول...

حبيب قلبى ليك واجب عدى عشان تاخده
اوعى تنسى

Cold air يقول...

حدوتة

و عليكم السلام و رحمة الله و بركاته
أولا في بلدنا دي الواحد يا إما دمه يتحرق لإما يكون ريلاكس بس بجد الأحداث بتاعت اليومين الل فاتوا دول تخلي الواحد العكس مش ريلاكس ^_^
و مرسي علي ردك الجميل
مع تحياتي

Cold air يقول...

نور الدين

ازيك يا نور و متشكر جدا علي كلامك الجميل ده كله و بجد سعيد إن الموضوع نال إعجابك
مرسي مرة تانية علي ردودك الجميلة و دايما يا رب منور Relaxation
مع تحياتي يا جميل

Cold air يقول...

eman

ازيك يا إيمان.. و سعيد جدا بالتواصل و المتابعة و دايما بكون سعيد بردودك الرقيقة و بالتأكيد إن التأني في إختيار الأصدقاء أو أي علاقات أخري واجب و لابد منه حتي لا نسقط فريسة للخداع

مع تحياتي

Cold air يقول...

نهر الحب

سعيد جدا برأيك و بجد كلامك منطقي و سليم لحد كبير
.............
يعنى مش ممكن تجد صادق وكداب متفاهمين
لكن كداب وكداب طبعا تلاقى الحياة جنة لهم لانهم قادرين على التكيف والتعامل والتعايش بنفس الطريقة ونفس الاسلوب
مع بعض
.............
فعلا التكيف مع الأشخاص عامل أساسي و لابد من توافره كي تدوم العلاقات و لن يأتي التكيف هذا إلا لو كان الشخصان من نفس النوع و الطباع
متشكر مرة تانية علي تواصلك و دمت صاحبة الرأي الصائب

مع تحياتي

Cold air يقول...

قررت أكون عانس

أهلا بيك علي Relaxation
^_^ و بالنسبة للمثل فذي موضحت بالبوست و يا رب يكون الموضوع نال إعجابك و مرسي علي ردك الكريم

مع تحياتي

Cold air يقول...

Desert cat

أهلا بيك علي Relaxation
و سعيد إن الموضوع نال إعجابك و بالنسبة لصحت أو خطأ المثل فده شيئ نسبي بيتغير من شخص للتاني و من ظرف للأخر

مع تحياتي

Cold air يقول...

نور الدين

متشكر جدا يا نور علي إهتمامك و دعوتك الكريمة و بجد في أقرب فرصة هستلم الواجب

مع خالص تحياتي

مدحت محمد يقول...

منتظرين جديدك

dina يقول...

فعلا و الله...ساعات المظاهر بتخدع جدا و بتصدم كتير...فالاجمل انك تشوف الانسان من جواه هو مش من مظهره
تحياتى

عدنان أحمد يقول...

السلام عليكم

مدونتك جميله فعلا ما شاء الله
ارجو ان تعذر تقصيري

بالنسبه للمثل فأنا اعتقد ان الموضوع نسبي
بمعنى انه ليس بالضرورة ان تقع الطيور على اشكالها
ربما يكون إنسان لا يدري شيئا عن إنسان الآخر و لكنه مضطر للتعامل معه بحكم الوظيفه مثلا

لذلك فهذا المثل قد يكون ظالما احيانا
و قد يكون صحيحا في احيان اخرى

تحياتي ليك
عدنان

Blue Nile يقول...

ازيك يا حازم اسفة عالتاخير بجد

اسلوبك في عرض الفكرة جميل
بالنسبة للموضوع فالطيور فعلا على اشكالها تقع
احنا لما بنختار اصحابنا مثلا بنختارهم على اساس الحاجات المشتركة
نادرا لما تلاقي واحد رخم في شلة مهيسة او واحد بتاع مذاكرة في شلة مكبرة دماغها

Heart Rose يقول...

طرح جميل للموضوع يا كولد اير

شدني بالفعل

و اعتقد مثلك .. ان ليس كل الطيور على اشكالها تقع

و دوما يجب اخذ الحيطه من المقابل .. حتى لا تستيقظ يوما ما لتجد انك قد اضعت عمرا على .. لا شـــيء

لا يعني كلامي ان الجميع منافق

و لكن فقط خذ الحذر .. حتى تتأكد و يطمئن قلبك

عندئذ تكون قد وقعت يا صديقي العزيز (;

دمت بخير اخي

و عذرا لتأخري .. فقد واجه جهازي عطلا لفتره

yoyo يقول...

والله يا حازم هو جايز يكون كل انسان فينا دايما بيدور على شىء يكمله او تقدر تقول الحلقة المفقودة واللى هتكمل شخصييته يعنى اكيد لازم يكون فى توازن بين الشخصيات وارتباطات فى الافكار والميول عشان نقدر نقول الطيور على اشكالها تقع
تحياتى
يويو

NilE_QueeN يقول...

انا مؤمنه ان الطيور على اشكالها تقع

الانسان بيميل تجاحه من يشابهه ويشاركه نقاط متعدده

ولكن هذا لا ينفي الوقوع ف لخطأ او التعرض للخداع

Cold air يقول...

مدحت محمد

شكرا يا مدحت علي الإهتمام و قريبا إن شاء الله

Cold air يقول...

dina

ازيك يا دينا..و معاك كل الحق لأن الحكم علي المظهر وحده نتائجه غير حقيقية مائه بالمائه و بالفعل يجب الحكم علي التصرفات و الأفعال
شكرا علي ردك الرقيق
مع تحياتي

Cold air يقول...

أسير حبيبتي

أهلا بيك يا عدنان علي Relaxation
و تنورني بأي وقت و مرسي علي كلامك الجميل ده كله
و بالنسبه لردك
.............
لذلك فهذا المثل قد يكون ظالما احيانا
و قد يكون صحيحا في احيان اخرى
.............
بالفعل فالموضوع نسبي من الدرجة الأولي و ليس من الضروري صحة المثل بإحدي المرات أن نؤمن و نسلم به في جميع الحالات حتي لا نقع فريسة للخداع

مع تحياتي

Cold air يقول...

Blue Nile

ازيك يا بلوو و ربنا معاك في فترة الإمتحانات و موفقة إن شاء الله
و مرسي علي كلامك الرقيق
و أما بقي بالنسبة لحكاية الشلة اللي مش ممكن تلاقي فيها تناقد فأنا قد أختلف معك في هذه المقولة لأني شخصيا مجرب و أنا في شلة من الأصدقاء يكاد كلهم يدمنوا السجائر و أنا الحمد لله لا أدخن و نحن أصدقاء عادي و كل واحد فري براحته بس بصراحة رأيك ده ينطبق بصورة سليمة علي الصداقة الثنائية سواء علاقة صداقة او علاقات أخري كالزواج مثلا

مع خالص تحياتي

Cold air يقول...

Heart Rose

ازيك يا روز .. سعيد جدا إن الموضوع نال إعجابك و مرسي علي كلامك الرقيق ده كله
.........
دوما يجب اخذ الحيطه من المقابل .. حتى لا تستيقظ يوما ما لتجد انك قد اضعت عمرا على .. لا شـــيء
.........
حقا الحذر أصبح السلاح الضروري إستعماله تجاه العلاقات الحديثة حتي يقتنع كلا الطرفين بسلامة نية الأخر و أنا معاك إن ده مش إتهام أو ظن السوء بالناس لكنه حذر و حرس كي لا نقع بالخداع

مع تحياتي و حمد عالسلامة و ألف سلامة للكمبيوتر ^_^

Cold air يقول...

yoyo

ازيك يا يويو .. سعيد جدا إن الموضوع ناقش عقلك و تفكيرك و سعيد برده برأيك الجميل ده و دايما ردودك رقيقة و موضوعية

متشكر عالتواصل
مع تحياتي

Cold air يقول...

NilE_QueeN

أهلا بيك علي Relaxation
و منورة في أول زيارة
و بالنسبة لرأيك في الموضوع
........
الانسان بيميل تجاحه من يشابهه ويشاركه نقاط متعدده
ولكن هذا لا ينفي الوقوع ف لخطأ او التعرض للخداع
........
فعلا الإنسان أكيد بيحب الشخصية القريبة من مستواه الفكري و بينجذب إليها و لكن قد يكون الخداع هو من يجذبنا فلذلك يجب علينا الحذر

مع تحياتي

أية الشقية الشعنونة يقول...

الحائط على حق
ههههههههههههههههههه
حازم بجد بوست جميل بس فعلا حاجة تحير
كل مثل لما نطبقه نلاقيه فى حاجة معارضة ليه بقا ؟؟
لان لكل قاعدة شواذ يا حازم
خد بالك
لا يوجد اى تطبيق عام لاى حاجة
تحياتى

السماء الداميه يقول...

اول حاجة انا اسف علىالتاخير تانى حاجة الموضوع جامد اوى اوى ونا مستنى تعليقك وزيارتك لمدونتى

RaRa يقول...

على فكرة بوست مهم والله بجد
ومن المهم اننا ناخد بالنا من الناس اللى نتعرف عليهم
ومش لازمن نحكم عليهم من أول مرة
بالعيشرة هنعرفهم كويس

بحييك على موضوعك الجميل

rovy يقول...

السلام عليكم

المثل ده فعلا حقيقى ..
حتى لو احيانا بننخدع فى اصدقاء او اصحاب فده بيكون لفتره ولازم مهما طال الوفت بنحس اننا انخدعنا و ان مش دول الناس اللى بيشبهونا ..
اتمنى ان تجد دائما الصحبه الطيبه

دمت بخير و سلام
تحياتى

سنووايت يقول...

رائع جدا التفكير والتأمل في الأقوال المأثورة واعمال العقل فيها
كتير بنردد كلمات واحنا في الحقيقية غير مدركين ادراك كامل لمعناها

الطيور علي اشكالها تقع كما ذكرت اشكالها هنا كناية عن كل ما يحمله قلب وعقل الطيور او البشر

استمتعت بقراءة الموضوع والفكرة جدا

رئـــــيسـة حزب الأحلام يقول...

الطيور على اشكالها تقع
ولكن الخداع يجعلنا ان نصطدم ان هناك اشكال مختلفة تقع فى بعضها
قد يكون الاختلاف مطلوب
تحياتى لك

Cold air يقول...

آية الشقية الشعنونة

ازيك يا آية .. ماشي بقي تخلي الحائط يفرح فيا ^_^
.......
لكل قاعدة شواذ
.......
فعلا يا آية لكل قاعدة شواذ و لازم نفرض حسن الظن بالناس ولكن مع أخذ الإحتياط و ماشي هخلي بالي ^_^

مع تحياتي

Cold air يقول...

السماء الداميه

أهلا بيك علي Relaxation
و تنورني بأي وقت و سعيد غن الموضوع نال إعجابك و يا ريت يدوم التواصل

مع تحياتي

Cold air يقول...

rara

ازيك يا رار .. فينك من زمان مشفتش تعليقك الرقيق و حمد الله عالسلامة
سعيد جدا إن الموضوع نال إعجابك و مرسي علي الكلام الجميل ده كله
و فعلا أنا ضد الحكم من أول مرة لأنه بيعتمد علي المظهر إلي حد كبير دون النظر إلي الجوهر

مع تمنياتي

Cold air يقول...

rovy

أهلا يا روفي
و أنا بالفعل وضحت ده بالموضوع علي لسان الحائط و رأيك تمام التمام و متشكر علي الدعوة الجميلة دي و يا رب دايما علي تواصل

مع تحياتي

Cold air يقول...

سنووايت

أهلا بيك يا سنو علي Relaxation
سعيد جدا إن الموضوع نال إعجابك و بجد مرسي علي الكلام الجميل ده كله و يا ما كتير أمثال و أقوال مأثورة بيكون الواحد مش عارف أساسها و أصولها و شكرا عالزيارة الرقيقة و يا رب تتكرر

مع تحياتي

Cold air يقول...

رئـــــيسـة حزب الأحلام

ازيك يا رئيسة حزب الحلام
..............
الطيور على اشكالها تقع
ولكن الخداع يجعلنا ان نصطدم ان هناك اشكال مختلفة تقع فى بعضها
قد يكون الاختلاف مطلوب
..............
الإختلاف أكيد بيكون مطلوب بس أعتقد إنه لازم يكون بحدود معينة و ليس في أساسيات قد تودي بالنهاية لهدم العلاقة

مع تحياتي


Relax على الأريكه & Enjoy بأبو تريكه

Relax على الأريكه & Enjoy بأبو تريكه
Relax على الأريكه & Enjoy بأبو تريكه